لما حبيت ادخل من ١٥ سنه معهد اعداد دعاه خاص
هاجموني جوه المعهد وقالولي جايه تعملي ايه هنا معانا
قولتلهم جايه اتعلم اقرا قرآن كريم صح لاني بقرأ غلط ونفسي اتعلم الاحكام والتجويد والتفسير صح
طردوني بشكل غير مباشر وكرهوني في عيشتي لاني كنت بلبس الايشارب علي راسي وانا داخله المعهد بس
طلبت من محفظه تجيلي البيت رفضت لاني غير محجبه وسافره ايوا هيا قالت كده 🙈
روحت المعهد وانا لابسه نقاب
 |
| النفاق فى حياة الإعلامية سونيا الجمال |
عشان محدش يهاجمني ..حبوني اوى وعلموني بكل ضمير وساعدوني كتير وانا بتعلثم وزي الخيبه مكنتش بعرف اقول آيتين صح علي بعض ..واتعلمت حاجات كتير اوى وبقيت شاطره وطلعت الاولي عليهم كمان ..
النفاق وصلني لهدفي
نفاق المظهر
كام واحده فاتت عليها فرصة التعلم والتدبر بسبب ناس قلوبها قاسيه ..
كام واحده ضيعوا ثواب تعليمها عشان دماغهم متطرفة الفكر …
هتقولولي طيب انتي عملتي بكل احكام القرآن الكريم كلها !!!
هقولكم نفس السؤال وهل انتم عملتم بأحكام القرآن الكريم كلها !!!
ام منا المجتهد ومنا بعض الملتزم ومنا من يجاهد المعاصي ومنا المبتعد ..وجميعنا تحت مظلة العفو الغفور الكريم ؟؟
ما علينا …من كام سنه بدأت الربط بين علوم الطاقه الروحانيه وآيات القرآن الكريم ووصلت لنتائج مذهله ..
وهنزلهلكم تباعا بعد موافقة بعض علماء الدين الذين اثق بهم جيدا ..
وادين بالفضل لملهمتي الاولي في علم الطاقه دكتوره مها