الهدوء مع صابرين جابر ... حكايتنا اليوم
كتبت : الاعلامية صابرين جابر
وقت للهدوء 💜💜💜💜عمرك جربت انك تتكلم مع نفسك وتديها وقت شويه كلنا حاسين ان احنا بنجري رتم الحياه السريع مابنحاولش نستني بقينا حاسين طول الوقت ان احنا مستعجلين مافيش وقت ليك لنفسك مافيش وقت انك تهدا ….
تفكير طول الوقت في شغلك تفكير طول الوقت لعيلتك تفكير طول الوقت في مستقبلك دايما حاسس انك بتجري بس فكرت في نفسك مره وقلت لا لازم اتكلم شويه معاها واتكلمت بانهي طريقه طبعا مابتكلمش ان احبطها واتكلم عن المواقف السلبيه لا لا خالص ادي لنفسك حقها واديها طاقه ايجابيه فكر في مواقفك مع الناس واد ايه انك مبسوط بيها مهما هما خذلوك قول لنفسك يكفي اني شخص موثوق فيه والناس بتقربلي وقت محنتهم واكيد ربنا جعلني سبب اني ابقي سبب في سعادتهم اوعي تفكر بطريقه سلبيه وتقول لنفسك دول بتوع مصلحتهم قول لنفسك عن كل الاشخاص اللي خذلوك في شغلك او في حياتك عامه انك متشكر ليهم جدا لانك اتعلمت منهم واستفدت منهم كتير اتكلم مع نفسك عن كل اللي بيحبوك واد ايه انك محبوب من ناس كتيره حواليك اتكلم مع نفسك عن انجازاتك اللي وصلتلها حتي لو لسه ماحققتش كل اللي بتتمناه قول لنفسك انا اكيد هاشتغل اكتر وهتعب اكتر لحد ماوصل لكل اللي بتمناه دايما حب نفسك وقول لنفسك انك بتحبها زي ماهي ولو في حاجه عايز تغيرها صارح نفسك وأبدأ في تغيييرها بعيدا عن اللوم دايما وانك تجلد نفسك لمجرد انك اخطأت او غلطت كلنا بنغلط بس اكيد بنتعلم مصارحه نفسك الدردشه مع نفسك وقت لنفسك انك تحب نفسك كل دول مصدر سعاده هتحس بيها لمجرد انك تاخد بريك من كل حاجه ممكن توترك او تضايقك ساعتها بس هتحس انك مبسوط وسعيد 💜