معايير الأختيار مع سونيا الحبال ... حكايتنا اليوم
ارتبطوا بالناس الشيك بس.. قصدك لابسين شيك يعني.. لا تعالوا اقولكم بقي يعني ايه ناس شيك الشياكه يعني الحاجه الحلوه ناس شيك في كلامها ..ناس شيك في زعلها..شيك في حتي خصامها.شيك في تعلقها بيك .شيك حتي وهيا بتسيبك ….ناس عارفه ان الزعل حاجه والواجب حاجه تانيه ..مينفعش يبقي الاثنين واحد..ناس شيك في حبها ..في اهتمامها ..في تقديرها.. اختاروا الناس اللي تعرف امتي تتكلم وأمتي تسمعك .. اختاروا الناس اللي تعاتبك بنظره وتسامحك بابتسامه ..وتطلع من كل زعل من غير خدش
حتي بسيط.. اختاروا الناس اللي بتحبكم في جميع أحوالكم ..وجميع ظروفكم ..وتحب صوتكم الحلو وتضحك علي صوتكم العالي مع انفعالكم وتعرف تطبطب علي قلوبكم وتقولكم خلوا بالكم علي نفسكم ..هما دول الناس الشيك .. لما تختاروا شريك قلوبكم ..اختاروا الناس الشيك …هما دول اللي تقدروا تغمضوا عينكم وتناموا اي وقت وانتوا مطمئنين مفيش قلق مفيش خوف لكن فيه اماااااان